«Տվյալների վրա հիմնված ռազմավարություն» ծրագրի 2-րդ մոդուլը՝ UWC Դիլիջանում

Գերմանիայի #1 բիզնես դպրոցի հետ համատեղ իրականացվող կրթական ծրագրի 2-րդ մոդուլի ընթաքում «Մատենայի» փորձագետ, Բարսելոնայի տնտեսագիտության դպրոցի պրոֆեսոր Ռուբեն Ենիկոլոպովը մասնակիցներին ներկայացրեց, թե ինչպես է տվյալների վերլուծությունը արժեք ստեղծում ռազմավարական որոշումների կայացման համար, ինչպես տարբերակել լավ և վատ վերլուծությունները և ինչպես արդյունավետորեն իրականացնել տարբեր տեսակի վերլուծություններ:
 

Առանձնացրել ենք մի քանի եզրահանգումներ, որոնք համակողմանիորեն քննարկվել են ինտենսիվ դասերի ընթացքում՝ 

- Տվյալներից սովորելը վերջին տասնամյակների ընթացքում ամենահաջողակ ընկերությունների ձեռքբերումների հիմնական գործոնն է, 

- Արհեստական բանականության արժեքը պայմանավորված է այն տվյալներով, որոնք օգտագործվում են նրան սովորեցնելու համար,   

- Նոր դարաշրջանում «թվային մենաշնորհի» իրավիճակը, երբ տվյալների մեծ մասը կենտրոնացված է մեկ ընկերությունում, ավելի շահավետ է դառնում հաճախորդների համար, 

- Թե՛ հաճախորդը, թե՛ ընկերությունը շահում են տվյալների փոխանակումից, որովհետև ծառայություններն ավելի անհատականացված և հարմարեցված են դառնում:  

Այս բացառիկ ծրագրի  ավարտական մոդուլն անցկացվելու է Բեռլինում, որից հետո մասնակիցներն ստանալու են կրկնակի սերտիֆիկատ՝ 2 բիզնես դպրոցներից: