«Մատենա» առաջնորդության դպրոցը՝ Եվրոպայի ամենահեղինակավոր կառույցի անդամ

Մեծ հպարտությամբ տեղեկացնում ենք, որ «Մատենա» առաջնորդության դպրոցը դարձել է մենեջմենթի ոլորտի Եվրոպայի ամենահեղինակավոր կառույցի՝ Մենեջմենթի զարգացման եվրոպական հիմնադրամի («EFMD») անդամ: 

Ասոցիացիան, որին բացի ամենանշանավոր բիզնես դպրոցներից անդամակցում են նաև այնպիսի կազմակերպություններ, ինչպիսիք են «Mercedes-Benz»-ը, «L’Oréal»-ը, «Siemens»-ը, դիմավորում է Հայաստանից իր առաջին անդամին՝ դեռևս չունենալով ներկայացվածություն տարածաշրջանի մի շարք այլ երկրներից:

«Մատենան» այս պատվին արժանացել է Եվրոպայի լավագույն բիզնես դպրոցներից 2-ի՝ «ESMT Berlin»-ի և «IE University»-ի նախագահների երաշխավորությամբ, որոնք հատկապես ընդգծել են «Մատենայի» կրթական ծրագրերի համաշխարհային կարգը, ինչպես նաև ուսանողների և գործընկերների հզոր ու վստահելի համայնքի առկայությունը:

«EFMD»-ին միանալը «Մատենայի» համար բացում է համագործակցության, կրթության որակի ամենաբարձր ստանդարտների և համաշխարհային լավագույն փորձի նոր հնարավորություններ, որոնք էլ ավելի կամրացնեն գերազանցությունը տարածելու մեր առաքելությունը՝ միաժամանակ ապահովելով նաև «Մատենայի» ներդրումն ու նպաստը «EFMD»-ի հզոր ցանցում։