Թեև «Մատենան» առաջարկում է բաց ծրագրերի լայն ընտրություն, մենք գիտակցում ենք, որ որոշ կազմակերպություններ կարող են ունենալ ավելի անհատականացված մոտեցման կարիք։ Եթե Դուք չեք գտնում Ձեր թիմի կարիքներին համապատասխանող ծրագիր կամ նախընտրում եք բացառապես Ձեր կազմակերպության համար մշակված լուծում, ապա հատուկ մշակված ծրագիրը տալիս է այն ճկունությունը, որն անհրաժեշտ է Ձեր կազմակերպությանը հատուկ մարտահրավերներն ու նպատակները իրագործելու և բարելավելու համար:
Անկախ այն բանից՝ Դուք ձգտում եք բարելավել Ձեր թիմի առաջնորդության հմտությունները, զարգացնել ռազմավարական մտածողությունը, թե լուծել կազմակերպության զարգացման այլ առանցքային խնդիրներ, մեր հատուկ մշակված ծրագրերը նպատակաուղղված են ապահովելու հստակ և գործնական արդյունքներ:
Ընտրելով հատուկ մշակված ծրագիր՝ Դուք հնարավորություն եք ստանում՝ սովորելու համաշխարհային առաջատար փորձագետներից: Սա երաշխավորում է Ձեր կազմակերպության կարիքներին համապատասխանող եզակի փորձառություն, որը մշակված է Ձեր կազմակերպության ռազմավարական նպատակներին հասնելու և չափելի ազդեցություն ունենալու համար:
«Adobe Armenia»-ի ղեկավար թիմի համար «Մատենայի» կողմից իրականացված «Ռազմավարական պլանավորում և մտածողություն» դասընթացը բացառիկ էր։ Ծրագիրը լավ կազմակերպված էր, բովանդակալից և ուղղակիորեն առնչվում էր առաջնորդության այն մարտահրավերներին, որոնց մենք բախվում ենք ամենօրյա աշխատանքում։ Այն մեզ տրամադրեց ռազմավարական որոշումների կայացման հստակ կառուցվածք և զգալիորեն ամրապնդեց մեր հավաքական մտածողությունը։
Հատկապես տպավորիչ էր այն, թե ինչպես էր ուսումնական ծրագիրը բարձր մակարդակի ռազմավարական հայեցակարգերը վերածում գործնական գործիքների՝ հարմարեցված «Adobe»-ի արագընթաց և նորարարությունների վրա հիմնված միջավայրին։ Մենք անկեղծորեն գնահատում ենք այն պրոֆեսիոնալիզմն ու էներգիան, որ «Մատենայի» թիմը ներդրեց յուրաքանչյուր դասընթացի ընթացքում։ Սա բարձրարժեք փորձառություն էր, որը տվեց գործնական գիտելիք, որը մենք արդեն իսկ կիրառում ենք մեր թիմերում:
Գրիգորի Մարտիրոսյան
Տեխնիկական տնօրեն, «Adobe»
«Մատենայի» կողմից Արդշինբանկի համար հատուկ մշակված կրթական ծրագրի արդյունքում միջին օղակի ղեկավարները ստացել են ինչպես գործնական գիտելիքներ, այնպես էլ գործիքակազմ, որոնք օգտագործում են առօրյա իրենց աշխատանքներում՝ թիմերի ղեկավարման, պատասխանատվության ստանձնման, արդյունքների կառավարման համար:
Հարություն Իսպիրյան
Օպերացիոն տնօրեն, Արդշինբանկ
