«EMBA» ծրագրի մասին

Եվրոպայի լավագույն բիզնես դպրոցներից մեկի՝ «ESMT Berlin»-ի և հայաստանյան «Մատենայի» համաշխարհային «EMBA» ծրագիրը հատուկ նախատեսված է բարձր օղակի ղեկավարների, հիմնադիրների, տնօրենների և փորձառու առաջնորդների համար:

Արդեն հաջողությամբ մեկնարկած այս ծրագիրը տարածաշրջանի բիզնես ղեկավարներին ընձեռում է կրթության այնպիսի հնարավորություն, որը մինչ այժմ հնարավոր էր ստանալ միայն աշխատանքից կտրվելով կամ արտերկիր տեղափոխվելով։

Գերմանիայի #1 բիզնես դպրոցի հետ իրականացվող ծրագիրը չի սահմանափակվում միայն Գերմանիայով և Հայաստանով. այն ներառում է կրթական մոդուլներ աշխարհի տարբեր երկրներում, որոնք նպաստելու են գլոբալ առաջնորդ դառնալու գործընթացին:

1.5 տարվա ընթացքում հատուկ ղեկավարների համար նախատեսված ճկուն գրաֆիկով դուք էապես կբարելավեք բիզնեսի կառավարման գրեթե բոլոր անհրաժեշտ հմտությունները:

Դուք ոչ միայն կստանաք նոր և արժեքավոր գիտելիք՝ սովորելով միջազգային ճանաչում ունեցող պրոֆեսորներից և աշխարհի առաջատար ընկերությունների նախկին ու ներկա ղեկավարներից, այլև կստեղծեք ազդեցիկ կապեր, որոնք զգալի խթան կհաղորդեն ձեր բիզնեսի զարգացմանը։