Լեզու
Հայերեն, Անգլերեն, Ռուսերեն (թարգմանություն դեպի հայերեն անհրաժեշտության դեպքում)
Ամսաթվեր
Փետրվարի 17 - Ապրիլի 2
Վայր
Երևանում և Դիլիջան
Տևողություն
54 ժամ
Ժամանակացույց
Շաբաթական 2 անգամ
Ծրագրի ընթացքում
Ինտենսիվ դասընթացներ | Վարպետության դասեր | Գործնական աշխատանք | Անհատական աշխատանք | Ֆասիլիտացիոն սեսիա
Այս ինտենսիվ ծրագիրը նախատեսված է ռազմավարական պլանավորման, վերլուծության և բիզնեսի զարգացման հմտությունները կատարելագործելու համար: Կենտրոնացած լինելով կազմակերպության կամ բաժնի մրցակցային առավելությունը ամրապնդելու, կայուն աճը խթանելու և շուկայի ընդլայնմանը նպաստելու վրա՝ այս ծրագիրը հնարավորություն է տալիս ղեկավարներին կողմնորոշվել բարդ բիզնես միջավայրերում: Ավարտին մասնակիցները կկարողանան մշակել իրենց սեփական բիզնես ռազմավարությունը և բիզնես մոդելը՝ հաջողության հասնելու համար:
Կազմակերպության տարբեր օղակի ղեկավարներ և սեփականատերեր, որոնք ցանկանում են բարելավել ռազմավարական պլանավորմանն ու բիզնեսի զարգացմանն առնչվող հմտությունները
Մասնագետներ և տարբեր օղակների ղեկավարներ, որոնց աշխատանքը անմիջականորեն կապված է կազմակերպության ռազմավարության ստեղծման և փոփոխման, վերլուծության և բիզնեսի զարգացման հետ
Մարդիկ, որոնք ցանկանում են բիզնես սկսել
BCG-ի գործադիր խորհրդական, IBM կորպորատիվ ռազմավարության նախկին ավագ փոխնախագահ
Համահիմնադիր, տնօրեն, «Մատենա» առաջնորդության և մասնագիտական զարգացման միջազգային դպրոց
Գլխավոր տնօրենի տեղակալ, Ռազմավարության և Ինովացիայի տնօրեն, «Գալաքսի» ընկերությունների խումբ
Հիմնադիր և գործադիր տնօրեն, «CardioLab»
Ռազմավարական պլանավորում և բիզնեսի զարգացում
Երկու ինտենսիվ ամիսների ընթացքում «Ռազմավարական պլանավորում և բիզնեսի զարգացում» ծրագիրը ստիպեց ինձ կայացնել դժվար, բայց կենտրոնացված որոշումներ՝ որտեղ գործել, ինչպես հաղթել և ինչից հրաժարվել։ Առանձնահատուկ էր գործնական մոտեցումը․ իրական քեյսեր մեր սեփական բիզնեսներից, դասախոսների անմիջական և անկեղծ հետադարձ կապ, ինչպես նաև բազմազան խումբ՝ տեխնոլոգիաների, ֆինանսների, առևտրի և առողջապահության ոլորտներից, ինչը յուրաքանչյուր քննարկում դարձնում էր ավելի խորքային ու արդյունավետ։
Իմ ընկերության համար դա բերեց հստակություն՝ ավելի սրված արժեքային առաջարկ, կենտրոնացված ծառայություններ, չափելի նպատակներ և շաբաթական իրականացման ռիթմ, որին մենք իսկապես հետևում ենք։ Ինձ համար այն ապահովեց ռազմավարական վստահություն և առաջընթացի նոր թափ։
Գործադիր տնօրեն և համահիմնադիր, «Ecoglobe»
Ռազմավարական պլանավորում և բիզնեսի զարգացում
«Ռազմավարական պլանավորում և բիզնեսի զարգացում» ծրագիրը հիանալի առիթ էր՝ վերադառնալու ակադեմիական կրթությանը՝ սեղմ ժամկետում ստանալով հագեցած ու բովանդակալից գիտելիք:
Այն զգալի ազդեցություն է ունեցել իմ մասնագիտական առօրյայի վրա՝ թույլ տալով գործնական գիտելիքն անմիջապես կիրառել աշխատանքում: Բայց իհարկե, մեծագույն ձեռքբերումը նոր ընկերներն ու արժեքավոր կապերն են:
Տպավորիչ էր ընդամենը երկու ժամում ծավալուն ու կիրառելի թեմաների ներկայացումը, որոնք քննարկում էինք տարբեր ոլորտներ ներկայացնող պրոֆեսիոնալների հետ: Լավ տեխնիկական հագեցվածությունը, հստակ ծրագիրը և հարմարավետ վայրը դարձնում են այս ծրագիրը լավագույն ընտրությունը նրանց համար, ովքեր գնահատում են որակն ու գործնական արդյունքը:
Համահիմնադիր, որակի ապահովման գծով տնօրեն, «TestingArt»
Ռազմավարական պլանավորում և բիզնեսի զարգացում
Ես անկեղծորեն տպավորված եմ «Մատենայի» «Ռազմավարական պլանավորում և բիզնեսի զարգացում» դասընթացով. յուրաքանչյուր դաս բազմաշերտ էր՝ համադրելով խորքային պատկերացումները, գործնական աշխատանքը և ոլորտի առաջատար փորձագետների իրական օրինակները։
Որպես տեխնոլոգիական ոլորտի հիմնադիր՝ այս դասընթացն ինձ օգնեց վերանայել առաջնահերթությունների ընտրության իմ մոտեցումը՝ ոչ միայն այն, թե ինչպես կառուցել, այլև ինչու, ում համար և ինչպես ընդլայնել այն։ Ամենակարևորը՝ այն ընդլայնեց իմ աշխարհայացքը պարզապես իրագործումից դեպի երկարաժամկետ աճ՝ ռազմավարություն, շուկայի ուղղություն և մասշտաբավորում։
Արդյունքը՝ առավել հստակ ռազմավարություն և բիզնես մոդել, որը ես իրապես կարող եմ կյանքի կոչել:
1,050,000 ՀՀ դրամ
